Поради намалување на трошоците за производство, новиот Renault Alpine и сериската верзија на концептот Infinity Emerg-e би можеле да бидат произведени од Lotus.
Infiniti сеуште не го потврди сериското производство на суперавтомобилот, чиј прототип беше базиран на концептот Lotus Evora 414E, но главниот дизајнер Широ Накамура истакна дека би можел да биде создаден во Велика Британија.
Во меѓувреме, маркетинг шефот на Renault, Стив Норман потврди дека новиот Alpine ќе има позади или средишно поставен мотор.
Базирањето на двата модели на платформата од Evora би имало смисла. Emerg-e моментално се развива како движечки прототип базиран на платформа на Evora со Lotus-овиот експериментален 414Е хибриден погон, кој би одговарал за Renault Alpine, бидејќи сите претходни модели беа со мотор поставен позади.
Доколку договорот биде склучен, од него најмногу корист ќе извлече Lotus, бидејќи би можел да го спаси од кризата во која се наоѓа, додека на Renault и Infinity, овој потег би им овозможил да ги намалат трошоците.
