Дали спортското купе на Hyundai конечно го доби моторот кој му е потребен за да биде конкурентен на пазарот?
1.6-литарскиот GDi (нека не ве збунува оноа D во името, ова не е дизелски мотор) агрегат испорачува здрави 204 (или 201, во зависност од пазарот) коњски сили и 256 Nm вртежен момент – одлични бројки за мотор со тој капацитет.
Сеуште немаме информации за перформансите на Veloster Turbo, но уште сега можеме да приметиме визуелни измени кои го прават поагресивен и му даваат поспортски лик. Тука се и проширените крила и страничните прагови, покрај изменетите браници.
Во внатрешноста, Veloster Turbo доби спортски профилирани кожни седишта, кои би требало да го задржат возачот во место при поагресивно возење.
