Кинеските возила се редовна тема на исмејување кај нашите возачи, но конечно еден Кинески автомобил постигна задоволителни резултати на стандардизираниот тест за безбедност.
Она што е импресивно е дека Qoros 3 не само што ги освои максималните 5 ѕвездички при тестирањето, туку истовремено ги освои најдобрите комбинирани резултати од сите модели тестирани оваа година! Автомобилот освои импесивни 95% за возрасни патници, 87% за деца, 77% за заштита на пешаци и 81% за асистенција на безбедноста, односно за електронските безбедносни системи кои се стандардна опрема во секој Qoros 3.
Израелско-кинеската компанија се подготвува за лансирање на својот бренд во Европа, а ова е нивниот прв сериски автомобил. Ако уште првиот автомобил има вакви резултати, сигурни сме дека пробивањето на Европскиот пазар ќе оди многу полесно, и со помалку стигма која вообичаено ги следи кинеските модели.
